المكان : نفس جسم الإنسان الغلبان
الحدث : يرجع الأستاذ شافعي بغلاسته المعهودة و يصمم انه يدخل الجسم
و لكن يظهر شخص جديد هنا يجري بسرررررررررررررررعة و ينادي على الأستاذ لمعي و أعوانه
الشخص ده مسؤوليته انه يكون عارف كل شخص غلس دخل قبل كده عشان ينادي على لمعي و الشلة
لمعي : هو انا مش طردتك قبل كده يا أستاذ انت جاي تاني ليه ؟؟
شافعي : انا مبتهددش يا بابا وريني هتعمل ايه ؟؟
لمعي : كده طييييييييييييييييييييب
طخ طيخ طوخ ( تم حدذف مشاهد العنف خوفا على الأطفال )
و بكده يكون انتهى شافعي للأبد و خرج برة الجسم بلا رجعة
و لو بس فكر كده انه يرجع هيلاقي جيش من أعوان لمعي مستنيه على نااااااااااااااار
ــــــــــــــــــــــــــــــــــــــــــــــــــ
العملية دي اسمها : الاستجابة المناعية الثانية
و فيها بيظهر لنا نوع جديد من الخلايا اسمها خلايا الذاكرة
و دي خلايا مهمتها انها تتعرف على أي جسم غريب يدخل الجسم بشرط انه يكون دخل قبل كده و لو من سنين
و بتبدأ تدي أمر للجهاز المناعي انه يحرك الأجسام المضادة للجسم الغريب ده و يدمره
( عشان كده بنلاقي ان الطفل اللي بيصاب بالحصبة مرة مش بيصاب بيها تاني )
و الاستجابة المناعية التانية زي ما شفنا بتتميز بحاجتين :
بتاخد وقت أقل *
أكتر في عدد الأجسام المضادة اللي بتنتج (شلة لمعي كلها )*
ـــــــــــــــــــــــــــــــــــــــــــــــــ
حاليا لا أملك غير إني أقول :
"رَبَّنَا مَا خَلَقْتَ هَٰذَا بَاطِلًا سُبْحَانَكَ فَقِنَا عَذَابَ النَّارِ"
21 comments:
ياااه الكلام دا لسة واخداه في الأحياء كنت بمتحنها انهاردة
مش كان نزل البوست دا قبل الامتحان
كنت كتبت ف الامتحان شفعي ولمعي :p
حلووو اوي ^-^
هههههههه ماشى يا شافعى
:)
طب والله فكره لو زاكرنا المناعه كدا هاتبقى حلوه اوى
تسلم إيدك يا أنفال
تسلمي لي يا أمولة :)
انا عن نفسي كده بذاكرها :D
εïз Semsema εïз
يااااااااااه لو كنت اعرف كنت نزلتها قبل كده
بس هتكتبي لمعي و شافعي في الامتحان ؟؟؟؟
تخيلي رد فعل المصحح كده :D
جميلة أوي ما شاء الله يا بنات ;)
استمروا :)
بتكون حلوه قوي فكرة إنشاء قصه عشان تسهل الدراسه والفهم والاستذكار ..
زهرة الأمل قفلتي مدونتك ليه !!
إحم إحم
بنت يا زهورتي
متقلقينيش عليكي الله يكرمك
على فكرة يا بنات
أقنعتوني بكلام Philip Sidney
Poetry is an art of imitation with the end of teach through delight, in other words delightful teaching :D :D
great post
Dina
نورتي المدونة يا قمر :)
إني ملكة
تسلمي يا جميلة :)
Dina
:D
والله لمعى وشافغى مش مقصرين فى حاجه
كل واحد قايم بدوره تمام
انفال
وزهورتى
تسلم ايديكن يا بنانييييييييييييت
أستاذ ديساروف
جزاكم الله خيرا :)
مُحِبه محمد
ربنا يخليكى يا بنوته
سبحان الله فعلاً كل واحد شايف شغله مظبوط
:)
البركه فى أنفال
نورتى يا قمر
^_^
دعاء
فتحت المدونه اهو عشان خاطركم :)
----
دينا
^_^
مبروك الإسم الجديد
سوري الكومينت اللي اتمسح دا كان عن طريقي
من زمان متابع وعايز أكتب كومينت
بس كنت منتظر حلقات تانية
أم هند
عجبتني الحلقة التانية عن الأولى
الفكرة نفسها ظريفة قوي
منتظر الحلقات اللي بعد كدا
ويا ريت لو بيبقى ليها موضوع في ساحة علوم
دكتور أسامه
أهلاً بحضرتك :)
-------
إن شاء الله نخلص إمتحانات ونتفق أنا
وأنفال هنكمل إزاى وإن شاء الله
هانعمل موضوع فى ساحة علوم
:)
زهورتي حبيبتي
الله يبارك في عمرك يا قمر :)
وحشتيني اوي انتي وأنفال :)
كنت هتجنن والاقي اللينك بتاع البلوج
والحمد لله لقيته :D
يلا كملوا بقى يا بنات :)
جميلة اوي اوي اوي المدونة دي
بس ياريت المواقف تطول شوية
ما شاء الله مدونة ممتازة
تسجيل اعجاب بالمدونة
Post a Comment